Meetdaet: alle voorstellen
Bouck 1: Teyckenen
Linien
1. Rechte linien te teyckenen.2. Een rechte lini te teyckenen, rechthouckich op een ghegheven rechte lini, ende op een ghegheven punt inde selve.
3. Een rechte lini te teyckenen rechthouckich op een ghegheven oneyndelicke rechte lini, ende van een ghegheven punt buyten de selve.
4. Twee linien te teyckenen die een houck maken even an een ghegheven houck.
5. Door een ghegheven punt, tot een ghegheven lini een evewijdeghe te teyckenen.
6. Omtrecken van ronden te teyckenen.
7. Inden ghegheven omtreck des rondts haer middellijn te teyckenen.
8. Wesende ghegheven een deel vanden omtreck des rondts, den heelen omtreck te volteyckenen.
9. Op de ghegheven grootste ende cleinste middellijn des lanckrondts {Ellipsis.} sijn omtreck te teyckenen.
10. Inde ghegheven omtreck eens lanckrondts, de grootste en cleenste middellijn te teyckenen.
11. Wesende ghegheven een deel vanden omtreck des lanckrondts, ende de grootste of cleynste middellijn; De ghebrekende middellijn te teyckenen.
12. Den omtreck van een keghelsne {Conisectione.} te teyckenen.
13. Den omtreck van een clootsche sne {Sectio sphæroidis.} van een ghegheven clootsche te teyckenen.
14. Een slangtreck te teyckenen op een ghegheven eerste lini.
15. Te teyckenen een lini ghelijck met een ghegheven cromme lini van onbepaelde ghedaente.
Vlacken
16. Rechtlinighe platten van begeerde form te teyckenen.
Lichamen
17. Een plattich lichaem van begheerde form te teyckenen.18. De vijf gheschickte lichamen te teyckenen.
19. De gheschickte ghesneen lichamen te teyckenen.
20. Den cloot te teyckenen.
Bouck 2: Meten
Linien
1. Een rechte lini door overgheleyde maet te meten.2. Deur sichtstralen onghenakelicke sichteindersche langden te meten.
3. Deur sichtstralen ongherakelicke hooghde en diepte te meten.
4. Deur des driehoucx drie bekende sijden, te vinden de twee hanghendensgronden ende hanghende.
5. Wesende bekent de vijf linien vallende int meten der verheyt van twee punten deur twee standen: Te vinden deur ghetalen de langde tusschen de twee metelicke punten.
6. Wesende ghegheven een bijl met vier bekende sijden: Haer hanghende van d'een der evewijdeghe op d'ander te vinden.
7. Bekent wesende de sijde eens gheschickt plats: Te vinden de lini vant middelpunt tot een houck.
8. Deur de bekende middellijn des rondts den omtreck te vinden.
9. Wesende bekent eens boochs peez ende haer rondts halfmiddellijn: Dien booch te vinden.
10. Wesende bekent de drie sijden eens driehoucx: Te vinden de middellijn haers omschrijvelick rondts.
Vlacken
11. Een ghegheven rechtlinich plat te meten.12. Wesende ghegheven de middellijn eens rondts: Het plat te vinden.
13. Een ghegheven halfmiddellijndeel des rondts te meten.
14. Een ghegheven peezdeel des rondts te meten.
15. Een ghegheven lanckrondt te meten.
16. Een ghegheven brantsnees plat te meten.
17. Te meten een ghegheven slangtreckplat {Planum spirale.}, bestaende uyt een of meer heele keeren.
18. Een ghegheven clootvlack te meten.
19. Te meten het bultich vlack eens clootdeels, dat met een plat vanden heelen cloot ghesneen is.
20. Een stuck landts Lantmetersche wijse te meten.Lichamen
21. Een ghegheven pylaer te meten.22. Een ghegheven naelde te meten.
23. Een ghegheven plattich lichaem van form soot valt te meten.
24. Een ghegheven cloot te meten.
25. Een ghegheven halfmiddellijnsne des cloots te meten.
26. Te meten een clootdeel dat met een plat vanden heelen cloot ghesneen is.
27. Een ghegheven clootsche {Sphæroides.} te meten.
28. Te meten een langclootdeel dat met een plat vanden heelen cloot ghesneen is.
29. Te meten een ghegheven keghelsche eens rechthouckighe keghels.
Bouck 3: Vier afcomsten
als Vergaring, Aftrecking, Menichvulding, en deelingLinien
1. Wesende ghegheven vergaerlicke ghelijcke linien haer somme te vinden in een haers ghelijcke lini.2. Wesende ghegheven een lini met haers ghelijcke aftreckelicke: De rest te vinden in een derghelijcke lini.
3. Wesende ghegheven een menichvuldelicke lini, ende een ghetal menichvulder, den uytbreng te vinden in een lini ghelijck mette ghegheven.
4. Wesende ghegheven een deelelicke lini, ende een lini deelder, haer mael te vinden.
Vlacken
5. Wesende ghegheven vergaerlicke ghelijcke vlacken: Haer somme te vinden in haers ghelijcke vlack.6. Wesende ghegheven een vlack met sijns ghelijcke aftreckelick vlack: De rest te vinden in derghelijcke vlack.
7. Wesende ghegheven een menichvuldelick vlack, ende een ghetal menichvulder: Haer uytbreng {Productum.} te vinden in een vlack ghelijck mettet ghegheuen.
8. Wesende ghegheven een deelelick vlack, ende een derghelijcke vlack deelder: Den mael {Quotientem.} te vinden.
Lichamen
9. Wesende ghegheven vergaerlicke ghelijcke lichamen: Haer somme te vinden in een haers ghelijcke lichaem.10. Wesende ghegheven een lichaem, met sijns ghelijcke aftreckelick lichaem: De rest in een derghelijcke lichaem te vinden.
11. Wesende ghegheven een menichvuldelick lichaem, ende een ghetal menichvulder: Den uytbreng te vinden in een lichaem ghelijck mettet ghegheven.
12. Wesende ghegheven een deelelick lichaem, ende een derghelijck lichaem deelder: Den mael te vinden.
Bouck 4: Everedenheyt
Linien
1. Wesende ghegheven twee rechte linien: Haer derde everedenighe te vinden.2. Wesende ghegheven drie rechte linien: Haer vierde everedenighe te vinden.
3. Wesende ghegheven twee rechte linien: Haer middeleveredenighe te vinden.
4. wesende ghegheven twee rechte linien: Haer twee middeleveredenighe te vinden.
Vlacken
5. Wesende ghegheven twee ghelijcke vlacken ende een rechte lini: Een ander rechte lini te vinden in sulcken reden totte ghegheven, als t'een vlack tottet ander.6. Wesende ghegheven twee rechte linien ende een vlack: Een derghelijcke vlack te vinden, in sulcken reden tottet ghegheven, als d'een lini tot d'ander.
7. Wesende ghegheven twee ghelijcke vlacken: Haer derghelicke derde everedenich te vinden.
8. Wesende ghegheven verscheyden onghelijcke rechtlinighe platten: Te vinden soo veel rechte linien inde selve reden.
Lichamen
9. Wesende ghegheven twee ghelijcke lichamen, en een rechte lini: Een ander rechte lini te vinden, in sulcken reden totte ghegheven, als t'een lichaem tottet ander.10. Wesende ghegheven twee rechte linien, ende een lichaem: Een derghelijcke lichaem te vinden in sulcken reden tottet ghegheven, als d'een lini tot d'ander.
11. Wesende ghegheven twee ghelijcke lichamen: Haer derghelijcke derde everedenich te vinden.
Bouck 5: Everedelicke snyding
Linien
1. Van een ghegheven rechte lini een begheert deel te snyen.2. Een ghegheven onghesneen rechte lini te snyen ghelijck een ghegheven rechte lini ghesneen is.
3. Een ghegheven rechte lini deur uyterste en middel reden {Extremâ & mediâ ratione.} te snyen.
4. Eens rondts omtreck tuychwerckelick {Mechanicè.} in begheerde deelen te snyen.
Vlacken
5. Van een ghegheven driehouck een begheert deel te snyen na een ghetoonden oirt, met een lini commende uyt een ghetoonden houck.6. Van een ghegheven driehouck een begheert deel te snyen na een ghetoonden oirt, met een lini getrocken uyt een ghestelt punt inde sijde des driehoucx.
7. Van een ghegheven rechtlinich plat een begheert deel te snyen na een begheerden oirt, met een lini getrocken uyt een ghegheven punt in des plats omtreck, snyende het plat in tween.
8. Van een ghegheven driehouck een begheert deel te snyen na een ghetoonden oirt, met een rechte lini commende uyt een punt ghegheven buyten den driehouck.
9. Van een ghegheven driehouck een begheert deel te snyen (meughelick sijnde afghesneen te worden) na een ghetoonden oirt, met een lini streckende deur een punt ghegheven binnen den driehouck.
10. Van een ghegheven vierhouck een begheert deel te snyen na een ghetoonden oirt, met een lini commende uyt of deur een punt ghegheven buyten den omtreck.11. Van een ghegheven rechtlinich plat een begheert deel te snyen na een ghetoonden oirt, met een lini commende uyt of deur een punt buyten den omtreck, snyende het plat in tween.
12. Van een ghegheven driehouck een begheert deel te snyen na een getoonden oirt, met een lini evewijdich van een ghetoonde sijde.
13. Van een ghegheven bijl een begheert deel te snyen na een ghetoonden oirt, met een lini evewijdich vande evewijdighe des bijls.
14. Van een ghegheven rechtlinich plat een begheert deel te snyen na een ghetoonden oirt, met een lini evewijdich van een ghestelde lini.
15. Van een ghegheven clootvlack een begheert deel te snyen, met een plat na een ghetoonden oirt.
Lichamen
16. Van een ghegheven rechtlinighe pylaer een begheert deel te snyen na een getoonden oirt, met een plat evewijdich vanden as, diens plats ende des gronts ghemeene sne evewijdeghe sy van een ghestelde lini.17. Van een ghegheven pylaer een begheert deel te snyen na een ghetoonden oirt, met een plat evewijdich vanden gront.
18. Van een ghegheven rechtlinighe naelde een begheert deel te snyen na een ghetoonden oirt, met een t'plat deur t'soppunt diens ende des gronts ghemeene sne evewijdeghe sy van een ghestelde lini.
19. Van een ghegheven naelde een begheert deel te snyen na een ghetoonden oirt, met een plat evewijdich vanden gront.
20. Van een ghegheven cloot een begheerde halfmiddellijnsne te snyen.
Bouck 6: Verkeeren
Linien
1. Een rechte lini te trecken even anden omtreck eens gegheven rondts.2. Een rechte lini te trecken even an een ghegeven booch.
3. Wesende ghegheven een booch in bekende reden tot haer heelen omtreck, ende een lini: Mette lini als halfmiddellini te beschrijven een booch of soo veel omtrecx als de ghegheven booch lanck is.
4. Wesende ghegheven twee onghelijcke boghen in bekende reden tot haer heele omtrecken: Te teyckenen een derde booch even an d'een ende ghelijck met d'ander.
Vlacken
5. Een vierhouckich rechthouck te teyckenen van begheerde langde, ende even an een ghegheven rechthouck.6. Een viercant te teyckenen even an een ghegeven rechthouck.
7. Een rechthouckich vierhouck te teyckenen van begheerde langde ende even an een ghegeven driehouck.
8. Een rechthouckich vierhouck te teyckenen van begheerde langde, ende even an een ghegeven rechtlinich plat.
9. Wesende ghegheven twee onghelijcke rechtlinighe platten: Een plat te teyckenen even ant een, ende ghelijck mettet ander.
10. Een driehouck te teyckenen even an een ghegheven rondt.
11. Een viercant te teyckenen even an een ghegheven rondt.
12. Een rondt te teyckenen even an een ghegheven lanckrondt.
13. Op een ghegheven grootste of cleynste middellijn een lanckrondt te teyckenen even an een ghegheven lanckrondt.
14. Wesende ghegheven twee onghelijcke lanckronden: Een derde te teyckenen, even mettet een ende ghelijck mettet ander.
15. Een driehouck te teyckenen even an een ghegheven brantsne.
16. Wesende ghegheven een slangtrecxplat bestaende in een of meer volcommen keeren: Een rondt te teyckenen even an t'ghegheven slangtrecxplat.
17. Een rondt te teyckenen even ant vlack eens ghegheven cloots.
18. Een rondt te teyckenen even ant ghegheven bultich vlack der coordsne eens cloots.
19. Wesende ghegheven twee onghelijcke clootscoordsneen: Een derde coordsne te teyckenen, diens bultich vlack even sy ant bultich vlack van d'een, ende ghelijck mettet bultich vlack van d'ander.
20. Een seul te teyckenen, diens bultich vlack even sy ant vlack eens ghegheven cloots.
21. Een rondt te teyckenen even ant bultich vlack eens ghegheven seuls.22. Een rondt te teyckenen even an een ghegheven bultich keghelvlack.
23. Een rondt te teyckenen even ant bultich vlack van een ghegheven corte keghel.
Lichamen
24. Een plattighe pylaer te teyckenen, op een ghegheven rechtlinighe grondt, even an een ghegheven plattighe pylaer.25. Een teerlinck te teyckenen even an een ghegheven plattich pylaer.
26. Op een ghegheven rechtlinighe grondt een pylaer te teyckenen even an een ghegheven plattighe naelde.
27. Op een ghegheven rechtlinige gront een pylaer te teyckenen, even an een ghegheven plattich lichaem.
28. Wesende ghegheven twee onghelijcke plattighe lichamen: Een plattich lichaem te teyckenen even ant een ende ghelijck mettet ander.
29. Een seul te teyckenen even an een ghegheven cloot.
30. Op een ghegheven rondt een seul te teyckenen, even an een ghegheven cloot.
31. Een keghel te teyckenen even an een ghegheven keghelsche eens rechthouckighen keghels.
32. Een keghel te teyckenen even an een ghegheven corte keghel.
33. Een keghel te teyckenen even an een ghegheven clootsche.
34. Een keghel te teyckenen even an de ghegheven coordsne der clootsche.